Վրաստանում Եվրամիության դեսպանն արդար խորհրդարանական ընտրություններ է ակնկալում երկրում
Եվրամիությունը Վրաստանի խորհրդարանի արդար ընտրություններ է սպասում և չի միջամտում քաղաքական հարցերին: Ինչպես տեղեկանում ենք «Ինտերֆաքս» գործակալությունից, այդ մասին լրագրողներին հայտարարել է Թբիլիսիում ԵՄ-ի դեսպան Պավել Գերչինսկին։
«Եվրամիությունը հարգում է վրաց ժողովրդի ցանկացած ընտրություն և չի միջամտում քաղաքական հարցերին Վրաստանում ընտրություններից առաջ, ընտրությունների ժամանակ կամ ընտրություններից հետո: Մենք հստակ և բարձրաձայն հայտարարել ենք, որ ակնկալում ենք ազատ և արդար ընտրությունների անցկացում՝ ամենաբարձր չափանիշներին համապատասխան», – ասել է դիվանագետը։
Վրաստանում խորհրդարանական ընտրությունները տեղի կունենան հոկտեմբերի 26-ին։
