Փարիզ-2024․ Դավիթ Չալոյանը պարտվեց քառորդ եզրափակիչում
Բռնցքամարտի օլիմպիական մրցաշարում Հայաստանի միակ մասնակից, աշխարհի փոխչեմպիոն Դավիթ Չալոյանը չկարողացավ դուրս գալ կիսաեզրափակիչ եւ ավարտեց մրցելույթը։
+92 կգ քաշային կարգի քառորդ եզրափակիչում Դավիթ Չալոյանը մենամարտեց աշխարհի առաջնության բրոնզե մեդալակիր, Եվրոպայի չեմպիոն, Իսպանիայի ներկայացուցիչ Այուբ Ղադֆա Դրիսիի հետ, որը հաղթեց երեք ռաունդներում էլ (5:0)՝ ապահովելով առնվազն բրոնզե մեդալ։
Հուլիսի 29-ին մեկնարկային մենամարտում Չալոյանը համառ պայքարում 3:2 հաշվով հաղթել էր անգլիացի Դելիշուս Օրիի նկատմամբ:
