Կոչ ենք անում Վրաստանի կառավարությանը գործել Վրաստանի ԵՄ ձգտումներին համապատասխան․ Ֆոն դեր Լայեն

Եվրահանձնաժողովի ղեկավար Ուրսուլա ֆոն դեր Լայենը X-ի իր միկրոբլոգում կոչ է արել Վրաստանի կառավարությանը «գործել Վրաստանի ԵՄ ձգտումներին համապատասխան»։

Եվրահանձնաժողովի ղեկավարը Շվեյցարիայում խաղաղության գագաթնաժողովի շրջանակներում Վրաստանի նախագահ Սալոմե Զուրաբիշվիլիի հետ համատեղ լուսանկար է հրապարակել՝ շնորհակալություն հայտնելով երկրի նախագահին «Վրաստանի եվրոպական ապագայի հանդեպ նվիրվածության համար»։

«Վրաց ժողովուրդը ճնշող մեծամասնությամբ աջակցում է այս ուղուն։

Մենք կոչ ենք անում Վրաստանի կառավարությանը գործել Վրաստանի ԵՄ ձգտումներին համապատասխան»,- նշել է ֆոն դեր Լայենը։