Խարկովում ռազմագործողություններին հարակից շրջաններից ավելի քան 10․000 մարդ է տարհանվել
Ավելի քան 10 հազար մարդ է տարհանվել Ուկրաինայի Խարկովի մարզի` մարտական գործողություններին հարակից շրջաններից։
Այս մասին «Տելեգրամ»-ի իր ալիքում հայտնել է Խարկովի ռազմական վարչակազմի ղեկավար Օլեգ Սինեգուբովը՝ մանրամասնելով, որ Չուգուևի, Խարկովի, Բոգոդուխովի շրջաններից ընդհանուր առմամբ տարհանվել է 10 314 մարդ։
Ավելի վաղ՝ նա տեղեկացրել էր մարտական թեժ գործողություններին հարակից այդ շրջաններից բնակիչների տարհանման գործընթացի մասին:
