«Հայաստանի ապագա առաջնորդն առնվազն չպետք է մասնակցած լինի 2018-ի իշխանազավթմանը և չպետք է ծափ տված լինի Նիկոլին»
Կարեն Մաթշկալյանը ֆեյսբուքյան իր էջում գրում է. «Հայաստանի ապագա առաջնորդն առնվազն չպետք է մասնակցած լինի 2018-ի իշխանազավթմանը և չպետք է ծափ տված լինի Նիկոլին։
Ընդդիմության առաջնորդ կարող է լինել այն ուժը և այն անհատը, ով չի ողջունել 2018-ի իշխանազավթումը և ծափ չի տվել Նիկոլին։
Պատասխանում եմ այն մարդկանց, ովքեր ինձ հարցնում են, թե ինչ է նշանակում «ծափ չի տվել Նիկոլին» արտահայտությունը։
Ծափ չի տվել Նիկոլին նշանակում է’
- չի մերժել մեր պետականությունը 2018-ին,
- չի ողջունել Նիկոլի իշխանազավթումը,
- չի մասնակցել 2018-ի հանրահավաքներին,
- չի սատարել Նիկոլին անգամ մտքում, չի զբաղեցրել պետական բարձր պաշտոն Նիկոլի կառավարման ժամանակ։
Ավելին, Նիկոլին ծափ տված համարվում են նաև այն քաղաքական գործիչները և պետական պաշտոնյաները, ովքեր անտարբեր են եղել այս հինգ տարիների ընթացքում երկրում ստեղծված իրավիճակին և չեն արտահայտել իրենց դիրքորոշումը։
Խոսքս քաղաքական գործիչների մասին է և այն մարդկանց, ովքեր փորձում են առաջնորդ դառնալ: Խոսքս չի վերաբերում սովորական սխալված քազաքացուն։
Սովորական քաղաքացին կարող է սխալվել, քաղաքական գործիչը’ ոչ։
Սխալված քաղաքական գործիչը պետք է ներողություն խնդրի ժողովրդից և հեռանա քաղաքականությունից։
Ովքեր կփորձեն խախտել այս սկզբունքը, կհայտնվեն այն իրավիճակում, որում հայտնվել են մինչ օրս։
Սխալվածը չի կարող, առաջնորդել չսխալվածին»։
