Թուրքիայում գողերն առևանգել են 22 տոննանոց մետաղյա կամուրջ (լուսանկարներ)
Antalya Today-ի փոխանցմամբ՝ գողության անսովոր դեպք է գրանցվել Թուրքիայի արևմտյան հատվածում ընկած Քոջաելի նահանգում: Այստեղ գողերն առևանգել են մի ամբողջ մետաղական կամուրջ:
Կամուրջն ունեցել է 25 մետր երկարություն և 22 տոննա քաշ: Այն կանոնավորապես օգտագործվել է գյուղացիների կողմից՝ գետակը հատելու և սեփական պտղատու այգիներ մուտք գործելու համար:
Այսօր առավոտյան նրանք բավական զարմացել են, երբ կամուրջը չեն հայտնաբերել նրա սովորական վայրում, և այդ մասին անմիջապես իրազեկել են ոստիկանությանը: Վերջինս պարզել է, որ գողերը մասնատել են կամուրջը, այն բեռնել են բեռնատարի վրա և տարել իրենց հետ:
Հանցագործության ենթադրյալ դրդապատճառը կտորների վերածված կամուրջը որպես մետաղաջարդոն հանձնելով ֆինանսական օգուտ ստանալն է:
