Անջելինա Ջոլին կոչ է արել անհապաղ հրադшդար հաստատել Մերձավոր Արևելքում
Հոլիվուդյան դերասանուհի, պրոդյուսեր Անջելինա Ջոլին կոչ է արել անհապաղ հրադադար հաստատել Գազայի հատվածում և Իսրայելում, գրում է Daily Mail-ը:
Անդրադառնալով Իսրայելի և ՀԱՄԱՍ-ի միջև պատերազմին՝ 48-ամյա «Օսկար»-ի դափնեկիրը նշել է, որ «ինչպես միլիոնավոր մարդիկ ամբողջ աշխարհում» վերջին մի քանի շաբաթների ընթացքում նա իրեն «սարսափելի է զգում և զայրացած է Իսրայելում տեղի ունեցած ահաբեկչությունից», որը «այնքան անմեղ խաղաղ բնակիչների մահվան պատճառ է դարձել»։
Իր վերջին գրառման մեջ, որն արել է Instagram-ի իր ավելի քան 14,6 հետևորդների համար, վեց երեխաների մայրը մանրամասնել է, որ իր ժամանակը ծախում է՝ «մտածելով, թե ինչպես լավագույնս օգնել»:
«Ես նաև աղոթում եմ յուրաքանչյուր պատանդի անհապաղ, անվտանգ վերադարձի և այն ընտանիքների համար, ովքեր կրում են սիրելիի սպանության աներևակայելի ցավը։ Ամենից առաջ երեխաներ են սպանվել, բազմաթիվ երեխաներ այժմ որբացել են»,- գրել է նա:
«Իսրայելում տեղի ունեցածը ահաբեկչություն է։ Բայց դա չի կարող արդարացնել Գազայի խաղաղ բնակչության ռմբակոծման հետևանքով անմեղ մարդկանց մահերը: Մարդիկ չունեն գնալու տեղ, սննդի կամ ջրի հասանելիություն, տարհանման հնարավորություն, և նույնիսկ սահմանը հատելու կամ ապաստան փնտրելու մարդու տարրական իրավունքը: Գազայի հատվածն ունի ավելի քան 2 միլիոն բնակչություն (կեսը երեխաներ), որոնք մոտ երկու տասնամյակ ապրել են խիստ շրջափակման տակ՝ ի հավելումն տասնամյակների տեղահանության և պետականություն չունենալու», – գրել է Ջոլին:
«Մարդկությունը պահանջում է անհապաղ զինադադար։ Պաղեստինի և իսրայելցիների կյանքը, ինչպես նաև ամբողջ աշխարհում բոլոր մարդկանց կյանքը հավասարապես կարևոր է», – եզրափակել է նա:
