Հայաստանում տարբեր տարածքներում նկատված օձերի վերաբերյալ 28 ահազանգ է ստացվել
Հուլիսի 9-15-ը ՆԳՆ ՓԾ ճգնաժամային կառավարման ազգային կենտրոնում 28 ահազանգ է ստացվել հանրապետության տարբեր տարածքներում նկատված օձերի վերաբերյալ:
Այս մասին հայտնում են Ներքին գործերի նախարարության փրկարար ծառայությունից:
Օձերը նկատվել են Երևանում, Արմավիր, Բերդ քաղաքներում, Արզնի, Լուսակերտ, Քարաշամբ, Ջրվեժ, Արգավանդ, Բյուրական, Կոշ և Մրգաշեն գյուղերում։
Դեպքի վայր ժամանած փրկարարներն իրականացրել են տեղազննում, որի արդյունքում հայտնաբերել են 3 լորտու տեսակի սողուն, 3 սահնօձ, 4 շահմար, 1 գյուրզա, 2 անհայտ տեսակի օձ և տեղափոխել անվտանգ տարածք:
