Արժույթների անօրինական փոխանակում՝ Աջարիայում. ձերբակալվել է տասը մարդ
Վրաստանի ֆինանսների նախարարության հետաքննչական ծառայության աշխատակիցները տասը մարդ են ձերբակալել անօրինական արժութային կետերի բացման մեղադրանքով: Այդ մասին հաղորդվում է գերատեսչության կայքում:
Հետաքննությունը պարզել է, որ մեղադրյալները Աջարիայի տարբեր վայրերում անօրինականորեն արժութային կետեր են բացել, որտեղ առանց Վրաստանի Ազգային բանկի համապատասխան թույլտվության իրականացրել են ձեռնարկատիրական գործունեություն:
Հետաքննչական գործողությունների արդյունքում, ընդհանուր առմամբ, առգրավվել է 550 հազար լարի (200 հազար դոլար) արժողությամբ արտասահմանյան արժույթ:
Հետաքննությունն ընթանում է Վրաստանի քրեական օրենսգրքի «Անօրինական ձեռնարկատիրական գործունեություն» հոդվածով: Մեղադրյալներին սպառնում է մինչեւ երեք տարվա ազատազրկում, հաղորդել է Sputnik-ը:
