Ռիշի Սունակն առաջադրվել է Մեծ Բրիտանիայի վարչապետի պաշտոնում
Մեծ Բրիտանիայի գանձապետարանի նախկին ղեկավար Ռիշի Սունակը Twitter-ի իր միկրոբլոգում հայտարարել է երկրի վարչապետի պաշտոնում առաջադրվելու մասին։
«Միացյալ Թագավորությունը մեծ երկիր է, բայց մենք բախվում ենք խորը տնտեսական ճգնաժամի: Այդ պատճառով ես հավակնում եմ լինել Պահպանողական կուսակցության առաջնորդը և ձեր հաջորդ վարչապետը: Ես ուզում եմ շտկել մեր տնտեսությունը, համախմբել մեր կուսակցությունը և հասնել հաջողությունների մեր երկրի համար»։
Հիշեցնենք, որ Մեծ Բրիտանիայի վարչապետ Լիզ Թրասը ընտրվելուց մեկ ամիս անց հրաժարական է տվել:
