4 սովորություն, որոնց պատճառով անընդհատ գլխացավեր եք ունենում
Ամեն օր գլխացավ ունեք, բայց արյան ճնշումը նորմա՞լ է: Ձեր խնդիրների պատճառը կարող է լինել սխալ սննդակարգը: Cosmor.ru-ն ներկայացնում է սննդային չորս սովորություններ, որոնք ստիպում են Ձեզ վատ զգալ:
1. Դուք բաց եք թողնում հիմնական սննդընդունումները
Նախաճաշը, ճաշը և ընթրիքը երեք սյուներ են, որոնց վրա հենվում է մեր բարեկեցությունը: Հետևաբար, երբ բաց եք թողնում դրանցից մեկը և սննդի երկար ընդմիջումներ եք տալիս, օրգանիզմն իրական սթրես է ապրում: Արդյունքում արյան մեջ շաքարի մակարդակն իջնում է, գլուխը սկսում է ցավել, առաջանում է գլխապտույտ և սրտխառնոց։
2. Դուք չարաշահում եք ածխաջրերը
Սիրո՞ւմ եք ածխաջրային նախուտեստներ: Պատասխանը դրական է, իսկ գլխացավը տևում է մինչ ուշ երեկո: Նախապատվությունը տվեք բանջարեղենին և մրգերին:
3. Ածխաջրերից ամբողջական հրաժարում
Եթե սննդակարգում ածխաջրեր ընդհանրապես չկան, սա նույնպես հղի է խնդիրներով։ Ամբողջական անցումը սպիտակուցային սննդին առաջացնում է խանգարումներ օրգանիզմում, որոնց հետևանքներից մեկը գլխացավն է։ Ուստի պահպանեք ողջամիտ հավասարակշռություն։
4. Քիչ եք խմում
Օրգանիզմում ջրի պակասը նույնպես ուժեղ գլխացավ է առաջացնում։ Մի մոռացեք օրական անհրաժեշտ 2 լիտր հեղուկի մասին։
Պատրաստեց Անի Գաբուզյանը
Լուսանկարը՝ Ivan Aleksic/Unsplash
