Դեմբելեն, Լենգլեն և ուրիշներ։ «Բարսելոնայի» 8 ֆուտբոլիստներ, ամենայն հավանականությամբ, նախամրցաշրջանային փուլը կսկսեն այլ ակումբներում

«Բարսելոնան» նախամրցաշրջանային փուլին մնացել է երեք շաբաթից էլ քիչ: Սակայն որոշ խաղացողներ դրան չեն մասնակցի։

Շատ խաղացողներ, հավանաբար, չեն էլ սկսի ակումբի հետ նախամրցաշրջանը:

Սամուել Ումտիտի. Ֆրանսիացին որոշել է զբաղվել իր ապագայով մինչ մրցաշրջանի մեկնարկը։ Առաջարկներ կան, բայց ֆրանսիացին բծախնդիր է։

Ռիկի Պուչ. Երիտասարդ կիսապաշտպանը, հավանաբար, հրաժարվել է «Բարսայում» տեղ գտնելու մարտահրավերից: Պուչը ուզում է մեկ այլ տեղ գնալ։

Ֆրենկի դե Յոնգ. «Բարսելոնան» և «Մանչեսթեր Յունայթեդը» մոտ են հոլանդացու հարցում համաձայնության գալուն։ Տեն Հագը կցանկանար նրան ունենալ իր նախամրցաշրջանային թիմում:

Ադամա Տրաորե. Իսպանացի վինգերը վերադառնում է «Վուլվերհեմփթոն» այն բանից հետո, երբ չկարողացավ տպավորել «Բարսայում»։

Կլեման Լենգլե. Ֆրանսիացի պաշտպանը ակումբ է գտել Անգլիայում։ Անտոնիո Կոնտեն կցանկանար, որ նա լիներ «Տոտենհեմում».

Միրալեմ Պյանիչ. Բոսնիացին ապագա չունի «Բարսայում»։ Եթե նա գտնի նոր թիմ, ապա կարող է միանալ դրան մինչմրցաշրջանային փուլի ընթացքում:

Լյուկ դե Յոնգ. Հարձակվողը հեռանում է «Բարսայից»։ Չեղարկումը կարող է պաշտոնականացվել հուլիսի առաջին շաբաթվա ընթացքում:

Ուսման Դեմբելե. Հաղորդվում է, որ ֆրանսիացին ցանկանում է մնալ «Բարսայում», սակայն նրա գործողությունները հակառակն են ապացուցում:

Սիրարփի Աղաբաբյան