ՆԱՏՕ-ն լարվածության կետեր է ստեղծում Ռուսաստանի և Չինաստանի սահմաններին. ՌԴ ԱԳՆ
ՆԱՏՕ-ի երկրները մտնում են Ասիա՝ լարվածության կետեր ստեղծելով Ռուսաստանի եւ Չինաստանի սահմանների ողջ տարածքում: Այդ մասին հայտարարել է ՌԴ արտաքին գործերի փոխնախարար Իգոր Մորգուլովը:
«Խոսքը Ասիայում ՆԱՏՕ-ի հաստատվելու մասին է, համապատասխանաբար, Ռուսաստանի եւ Չինաստանի սահմանների ողջ պարագծով խնդրահարույց կետերի ստեղծման, սպառազինությունների հերթական մրցավազքի գործարկման մասին, որը, ակներեւաբար, հղի է Ասիայում սառը պատերազմից հետո ստեղծված տարածաշրջանային անվտանգության համակարգի լիակատար հավասարակշռախախտմամբ»,-նշել է դիվանագետը՝ հանդես գալով «Ռուսաստան եւ Չինաստան. համագործակցություն նոր դարաշրջանում» խորհրդաժողովի ժամանակ, հաղորդել է ՌԻԱ Նովոստին:
