Ռուս խաղաղապահները հասցեական հումանիտար օգնություն են փոխանցել Ստեփանակերտում բնակվող բազմազավակ ընտանիքին. ՌԴ ՊՆ
Ռուսական խաղաղապահ զորակազմի զինծառայողները կազմակերպել են հասցեական հումանիտար օգնության փոխանցումը Լեռնային Ղարաբաղի Ստեփանակերտ քաղաքի բազմազավակ ընտանիքներին: Այս մասին ասվում է ՌԴ ՊՆ տեղեկագրում:
Հաղորդվում է, որ հումանիտար ակցիայի շրջանակում ռուս խաղաղապահները տաք հագուստ, իրեր են փոխանցել 7 անձից բաղկացած բազմազավակ ընտանիքին, ինչպես նաև կենցաղային իրեր, դեղամիջոցներ և պարենային փաթեթներ:
Տարեսկզբից ավելի քան 50 ընտանիք է հասցեական հումանիտար օգնություն ստացել ռոսւ խաղաղապահներից: Հումանիտար արձագանքման կենտրոնի սպաները բնակիչներ են փոախնցում առաջին անհրաժեշտության իրեր՝ հագուստ, կոշիկ երեխաների և մեծահասակների համար, պարենային փաթեթներ, սպիտակեղեն, բարձեր, ծածկոցներ և անհատական դեղատուփեր:
