Աստղագետները նկարահանել են Յուպիտերի բախումը անհայտ օբյեկտի հետ
Համացանցում հայտնվել է տեսագրություն, որում երևում է՝ ինչպես է Յուպիտերը բախվում անհայտ օբյեկտի հետ: Earth Sky-ի փոխանցմամբ՝ բախումը տեղի է ունեցել սեպտեմբերի 13-ին:
Այդ օրը Յուպիտերին հետևելիս գիտանակնները հանկարծ նկատել են պայծառ բռնկում: Մի քանի աստղալուսանկարիչների հաջողվել է նկարահանել այն: Նրանց թվում է եղել Գերմանիայից աստղագետ Հարալդ Պալեսկեն:
«Ինձ զարմացրեց պայծառ փայլը: Այն կարող էր միայն հարված լինել»,- ասել է գիտնականը:
Նա հաշվարկել է, որ իր գրանցած բախումը տևել է ընդամենը երկու վայրկյան:
Պատրաստեց Անի Գաբուզյանը
