Պուտինն ու Էրդողանը քննարկել են Աֆղանստանի հարցը
Ռուսաստանի նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել, որի ընթացքում քննարկվել է Աֆղանստանում ստեղծված իրավիճակը։ Այդ մասին հայտնում է Կրեմլի մամուլի ծառայությունը:
Հեռախոսազրույցի ընթացքում ընդգծվել է ահաբեկչության և թմրամիջոցների ապօրինի շրջանառության դեմ պայքարի կարևորությունը: Նախագահները պայմանավորվել են ամրապնդել աֆղանական խնդիրների երկկողմ համակարգումը։
Բացի այդ կողմերը անդրադարձել են ռուս-թուրքական առևտրատնտեսական համագործակցության հարցերին մասնավորապես էներգետիկ ոլորտում:
Էրդողանը ցավակցություն է հայտնել 2021 թվականի օգոստոսի 14-ին Թուրքիայում Ռուսաստանի պաշտպանության նախարարության Be-200ES ինքնաթիռի կործանման կապակցությամբ, որում եղել են ինչպես Ռուսաստանի, այնպես էլ Թուրքիայի քաղաքացիներ:
