Բանգլադեշում շանթահարվելու հետևանքով 17 մարդ է մահացել
Բանգլադեշի հյուսիս-արևմուտքում գտնվող Ռաջշախի շրջանում կայծակի՝ նավին հարվածելու հետևանքով 17 մարդ մահացել է, ևս 15-ը վնասվածքներ են ստացել: Այս մասին հայտնում է ՏԱՍՍ-ը:
Բոլոր տուժածները հարսանեկան արարողության մասնակիցներ են եղել:
2016 թվականին Բանգլադեշի իշխանությունները կայծակը տարերային աղետ էին հայտարարել, քանի որ այդ տարի շանթահարվելու հետևանքով մահացել էր ավելի քան 260 բնակիչ:
