Մխիթարյանին չեն համոզել «Զենիթի» և «Մոնակոյի» առաջարկները
Կիսապաշտպան Հենրիխ Մխիթարյանը համաձայն է մնալ «Ռոմայում», հաղորդում է Il Romanista-ն:
Ակումբը նրան առաջարկել է երկու տարվա պայմանագիր ՝ մի շարք պայմանների բավարարման դեպքում երրորդը երկարաձգելու տարբերակով, և հայ ֆուտբոլիստը պատրաստ է շարունակել խաղալ թիմում: Նոր գլխավոր մարզիչ Ժոզե Մոուրինյոն, որի հետ ֆուտբոլիստը կոնֆլիկտներ է ունեցել «Մանչեսթեր Յունայթեդում» աշխատելու ընթացքում, նույնպես դեմ չէ Մխիթարյանին թիմում պահելուն:
Նշվում է, որ Մխիթարյանը գոհ էր իրեն առաջարկված առաջարկից և համաձայնել է անհապաղ պաշտոնականացնել գործարքը, բայց նրա գործակալ Մինո Ռայոլան առաջարկել էր ընդմիջում ունենալ `ավելի շահավետ տարբերակների հայտնվելու դեպքում:
Ավելի ուշ ֆուտբոլիստը առաջարկներ է ստացել «Մոնակոյից» ու «Զենիթից», բայց այդ առաջարկները նրան չեն համոզել:
Առաջիկա մի քանի ժամվա ընթացքում սպասվում է, որ Մխիթարյանը կստորագրի անհրաժեշտ փաստաթղթերը և կմնա «Ռոմայում»:
Սիրարփի Աղաբաբյան
