Օհայոյում հրաձգություն է տեղի ունեցել
Մայիսի 24-ին առնվազն երեք մարդ է գնդակահարվել Ուեստ Ջեֆերսոնում (Օհայոյի նահանգ): Այդ մասին հայտնել է NBC հեռուստաալիքը։
Հեռուստաալիքի տվյաներով՝ երեք զոհերին գտել են Ջեքսոն սթրիթի վրա գտնվող տներից մեկում, եւս մի քանի մարմին են հայտնաբերել շենքից դուրս, սակայն դրանց ստույգ թիվն առայժմ հայտնի չէ: Իրավապահ մարմինների տվյալներով՝ հրաձգությունը տեղի է ունեցել տեղական ժամանակով մոտավորապես 17:27-ին:
Պատահարի վայրը շրջապատված է, ոստիկանությունը կատարում Է տարածքի զննում, փնտրում են կասկածյալներին եւ հանցանշաններ, ինչպես նաեւ պարզում են զոհվածների ինքնությունը, հաղորդել է ՏԱՍՍ-ը:
