Պիկեն, Բուսկետսը և Ալբան այլևս անձեռնմխելի չեն համարվում
«Բարսելոնան» կարող էր զգալի փոփոխություններ կատարել ամռանը:
Ակումբի նախագահ Ժոան Լապորտան մտադիր է թարմացնել կազմը և վաճառել մի շարք ֆուտբոլիստների, հայտնում է Marca-ն:
«Բլաուգրանան» պատրաստ է վաճառել հարձակվող Անտուան Գրիզմանին: Ակումբը բողոքներ չունի ֆրանսիացու խաղից, բայց նրա տեղափոխությունից ստացված հասույթը նախատեսվում է ուղղել այլ գնումների: Բացի այդ, Գրիզմանի վաճառքը «Բարսային» հնարավորություն կտա խնայել նրա աշխատավարձը:
Բացի այդ, «Բարսան» դեմ չէ մի քանի վետերանների վաճառքին, ովքեր այլևս անձեռնմխելի չեն համարվում: Դա վերաբերում է պաշտպաններ Ժերար Պիկեին ու Ժորդի Ալբային, ինչպես նաև կիսապաշտպան Սերխի Բուսկետսին:
Կատալոնական ակումբը կփորձի վաճառել մի շարք խաղացողների, որոնց ելույթները չեն գոհացնում ակումբին: Ինչպես ավելի վաղ հաղորդվել էր, նրանց թվում են Սամուել Ումտիտին, Միրալեմ Պյանիչը, Մարտին Բրեյթվեյթը և այլք:
Սիրարփի Աղաբաբյան
