Newsweek-ը հաղորդել է մինչև 60 հազար թվաքանակով ԱՄՆ-ի գաղտնի զորքերի մասին
ԱՄՆ-ի պաշտպանության նախարարությունն անցած տասնամյակում ստեղծել է շուրջ 60 հազար թվաքանակով ԱՄՆ-ի գաղտնի զորքեր: Նրանց խնդիրների մեջ մտնում է ինչպես ահաբեկչության դեմ պայքարը, այնպես էլ այնպիսի տերություններին դիմակայելը, ինչպիսիք են ՌԴ-ն և Չինաստանը: Այդ մասին հաղորդել է Newsweek հանդեսը:
Այս տեղեկատվությունը դարձել է երկու տարվա հետաքննության արդյունք, մասնավորապես, ներառել է հարցազրույցներն այս ծրագրի մասնակիցների և այն անձանց հետ, որոնք որոշումներ են ընդունել ԱՄՆ-ի պաշտպանության ոլորտում: Newsweek-ի տվյալներով, այս տեսակի զորքերում (թվով 10 անգամ ավելի շատ, քան ԿՀՎ-ի համանման ուժերը) ծառայում են ինչպես անմիջականորեն զինծառայողներ, այնպես էլ օպերատիվ աշխատողներ՝ քաղաքացիական քողարկմամբ, երբեմն առևտրային ձեռնարկություններում կամ կոնսալտինգային ֆիրմաներում, և նրանք բոլորը գործում են ե՛ւ իրական իրադրության պայմաններում, ե՛ւ կիբեռտարածությունում: Այս «գաղտնի բանակում» նաև գործի են դրվել քաղաքացիական անձինք և կապալառուներ, որոնք «աշխատում են կեղծ անուններով. դա, մասամբ, գաղտնի հատուկ ուժերի աճի բնական արդյունք է, բայց նաև կանխամտածված պատասխանն ավելի ու ավելի թափանցիկ աշխարհում ուղևորությունների ու գործողությունների բարդություններին»:
«Ծրագրին ներգրավված են շուրջ 130 մասնավոր ընկերություններ, տասնյակ քիչ հայտնի և գաղտնի կառավարական կազմակերպություններ: Ընկերությունները «բանակի» գործողությունների համար տարեկան ծախսում են ավելի քան 900 մլն դոլար. ծախսերի մեջ մտնում է կեղծ փաստաթղթերի ստեղծումը, օպերատիվ աշխատողների հաշիվների վճարումը, որոնք գործում են մտացածին անուններով, սարքավորումների ստեղծումը՝ Աֆրիկայի և Մերձավոր Արևելքի ամենադժվարամատչելի հատվածներում լուսանկարումներ և գաղտնալսումներ իրականացնելու համար: Դրա հետ մեկտեղ այդ ուժերի ծառայողները ոչ միայն ահաբեկիչների դեմ են գործում Պակիստանից մինչև Արևմտյան Աֆրիկա ընկած տարբեր շրջաններում, այլ «ավելի մեծ չափով աշխատում են չճանաչված «թեժ կետերում», այդ թվում՝ «ճակատի գծից» այն կողմ Հյուսիսային Կորեայի և Իրանի տիպի վայրերում, հաղորդել է «Ինտերֆաքս»-ը:
