«Իսպանիայում քեզ սպասում են գավաթներ». Հարի Քեյնը կմիանա՞ «Բարսելոնային
«Տոտենհեմի» հարձակվող Հարի Քեյնը կարող է կարիերան շարունակել «Բարսելոնայում», հայտնում է Sport.es-ը:
«Տոտենհեմի» հարձակվող Հարի Քեյնը պատրաստ է տեղափոխվել իսպանական «Բարսելոնա», հաղորդում է արդեն ESPN-ն: Պատճառը խաղացողի ցանկությունն է՝ «առաջ շարժվել» և խաղալ մի թիմում, որը կարող է խաղալ Չեմպիոնների լիգայում:
Ըստ ESPN-ի՝ 27-ամյա երիտասարդն ինքն է ցանկանում միանալ կատալոնացիներին։ Ավելին, Հարրիի ներկայացուցիչներն արդեն կապվել են կատալոնացիների հետ: Այնուամենայնիվ, ակումբը կասկածում է տրանսֆերի հարցում՝ կապված այն դժվարությունների հետ, որոնց բախվում են անգլիացի ֆուտբոլիստներն Իսպանիային հարմարվելիս: Սպասվում է, որ շուտով «Բարսելոնան» վերջնական որոշում կկայացնի:
Քեյնը «Տոտենհեմի» սան է, իսկ թիմի կազմում իր նորամուտը նշել է 2011 թվականին: Միևնույն ժամանակ, առաջին մի քանի տարիներին Հարրին հիմնականում վարձավճարով էր խաղում այլ թիմերում: Այս մրցաշրջանում հարձակվողը մասնակցել է Անգլիայի Պրեմիեր լիգայի 32 հանդիպման, դարձել 21 գոլի հեղինակ (4-ը՝ տուգանային հարվածից) և կատարել 13 գոլային փոխանցում:
Սիրարփի Աղաբաբյան
