Գողություններ՝ թանկարժեք մեքենաներից
Առաջին անգամ չէ, որ գիշերային շրջիկ ծառայությունը արդյունք է տալիս: Մայիսի լույս 10-ի գիշերը, հանցագործությունները կանխելու և թարմ հետքերով բացահայտելու նպատակով, ոստիկանության Կենտրոնական բաժնի Մարաշի բաժանմունքի քրեական հետախույզները ծառայության էին Ալեք Մանուկյան փողոցում, որտեղից էլ, գողություն կատարելու կասկածանքով, բերման ենթարկեցին 25-ամյա մի երիտասարդի: Նրա անձնական խուզարկությամբ հայտնաբերվեցին տարբեր մեքենաների հայելիներ:
Ոստիկանների բացատրական աշխատանքից հետո նա խոստովանեց, որ հայելիների մի մասը գողացել է Այգեստան թաղամասում կայանված մեքենաներից, մյուսները` Ալեք Մանուկյան փողոցի բակերից:
Ձեռնարկվեցին միջոցառումներ՝ տուժողներին հայտնաբերելու ուղղությամբ: Արդեն առավոտյան երկու «Լեքսուսների» և երկու «Տոյոտաների» վարորդներից ընդունվեց հաղորդում:
Հանգամանքները քննությամբ պարզվում են:
Գիշերային շրջիկ ծառայությունները շարունակվում են:
