Կայացել է բռնցքամարտի ֆեդերացիայի 16-րդ արտահերթ համաժողովը
Հայաստանի բռնցքամարտի ֆեդերացիայի նորընտիր նախագահ Հովհաննես Հովսեփյանի նախագահությամբ կայացել է ֆեդերացիայի 16-րդ արտահերթ համաժողովը, որին մասնակցել է ֆեդերացիայի 107 ներկայացուցիչ։
Այս մասին հայտնում է ֆեդերացիան: Արտահերթ ժողովի ժամանակ մասնակիցները փակ քվեարկությամբ ընտրել են գործադիր կոմիտեի, կարգապահական, մրցավարական հանձնաժողովի, ինչպես նաև տեխնիկական ու բժշկական և հակադոպինգային հանձնաժողովի կազմ։ Ընտրվել է նաև հանրապետության տարբեր մարզերի 23 մարզիչներից բաղկացած մարզչական խորհուրդ։ Առաջիկայում մարզչական խորհուրդը ֆեդերացիայի գործկոմին կներկայացնի տարբեր տարիքային խմբերի հավաքականների մարզիչների հավանական թեկնածուներին, որից հետո գործկոմը ընտրություն կկատարի, թե ովքեր կգլխավորեն մեր հավաքականները։
