Լամը գոհ է Բավարիայի ցուցադրած արդյունքներից
Մյունխենի «Բավարիայի» ավագ Ֆիլիպ Լամը գոհ է իր թիմի ցուցադրած արդյունքներից, որն այս պահին վստահորեն գլխավորում է Բունդեսլիագայի մրցաշարային աղյուսակը:
«Շատ կարևոր է ձմեռային արձակուրդների գնալիս գլխավորել մրցաշարային աղյուսակը: Սակայն մինչև արձակուրդներ մենք մի քանի նպատակ ունենք: Պետք է մեծացնենք միավորների տարբերությունը, առաջին տեղը զբաղեցնենք Չեմպիոնների լիգայի խմբում և դուրս գանք Գերմանիայի գավաթի հաջորդ փուլ», – Լամի խոսքերը մեջբերում է ակումբի պաշտոնական կայքը:
Նշենք, որ «Բավարիան» Գերմանիայի առաջնությունում 10 միավորով գերազանցում է երկրորդ հորիզոնականում ընթացող «Բայերին»:
Մարզական լրահոսն ապահովում է SportArmenia.com-ը
