Գերմանիայի դատախազությունը չի պատժի Մանջուկիչին և Շաչիրիին
Մյունխենի «Բավարիայի» ֆուտբոլիստներ Մարիո Մանջուկիչն ու Ջերդան Շաչիրին չեն պատժվի «Նյուրնբերգի» դարպասը խփած գոլերից մեկը յուրահատուկ կերպով տոնելու համար։ Հաղորդում է Goal.com-ը։
Հիշեցնենք, որ այդ խաղում աչքի ընկած Մանջուկիչը գոլը տոնելիս իբր պատիվ է տվել վերջերս ազատ արձակված խորվաթ գեներալներ Անտե Գոտովինային և Մլադեն Մարկաչին։ Մանջուկիչին միացել է նաև Շաչիրին։
«Հաշվի առնելով միջադեպի ողջ լրջությունը՝ պետք է հայտնենք, որ, այնուամենայնիվ, չկան հիմքեր ենթադրելու, որ ֆուտբոլիստները ցանկացել են ցուցադրել արգելված նացիստական ժեստը», – ասվում է Գերմանիայի դատախազության տարածած հայտարարության մեջ։
Մարզական լրահոսն ապահովում է SportArmenia.com-ը
