«Փաշինյանը կհեռանա, երբ հաստատի այն քարտեզները, որոնք հիմա գծվում են». քաղաքացի
«Կարիք կա՞ր, որ Փաշինյանն ուղղաթիռով թռներ-հասներ Սյունիքի մարզ, կարիք կա՞ր այդ կարգի ծախս իրականացնել միայն զրուցելու համար, չէ՞ որ երեք տարի այդ անթրաշ տղան՝ Նիկոլ Փաշինյանը, միայն զրուցել է»,- 168 TV-ի եթերում, խոսելով երկրում ստեղծված իրավիճակի ու Նիկոլ Փաշինյանի հրաժարականի պահանջի մասին՝ ասաց այդ պահանջով Հանրապետության հրապարակում ակցիա իրականացնող քաղաքացի Արկադի Գալստյանը։
Ըստ նրա՝ Նիկոլ Փաշինյանը պատուհաս է դարձել բոլորի համար, հետևաբար՝ բոլորի պարտքն է՝ այս պահին միանալ նրա հեռացման պահանջին։
«Սակայն չեմ էլ պատկերացնում, թե նրանից հետո ով է լինելու վարչապետի պաշտոնին, բայց, թե նրանից հետո ով կլինի, ինձ համար այդքան էլ կարևոր չէ, այս պահին բոլորիս պարտքը պետք է լինի մեկը՝ միանալ Նիկոլ Փաշինյան-Հակոբյան հրաժարական պահանջին»,- ասաց նա։
Հարցին՝ ե՞րբ կհեռանա Փաշինյանը, քաղաքացին պատասխանեց, թե կհեռանա այն ժամանակ, երբ կատարի իր առաջ դրված պահանջները։
«Մինչև որ հաստատի այդ քարտեզները, որոնք հիմա գծվում են, նա պետք է դրանք հաստատի, իր տերերը չեն էլ թողնի, որ նա գնա, դեռ պետք է վերջնական շանտղություններն էլ իրականացնի՝ նոր գնա»,- ասաց Գալստյանը։
Մանրամասները՝ տեսանյութում
