Չինաստանում երկու բեռնարկղանավեր են բախվել
Չինաստանում հինգ մարդ է անհայտ կորել Յանցզիի գետաբերանում երկու բեռնարկղանավերի բախման պետեւանքով: Ինչպես դեկտեմբերի 14-ին հայտնել է Չինաստանի կենտրոնական հեռուստատեսությունը, միջադեպը տեղի է ունեցել դեկտեմբերի 13-ի գիշերը:
Բախման պատճառ են դարձել տեխնիկական խնդիրները OCEANA նավում, որը մխրճվել է «Սինցիշեն 69» բեռնարկղանավը: Դրա հետեւանքով վերջինիս անձնակազմի 16 անդամներ ենթարկվել են աղետի:
Նավաբեկության վայր ժամանած փրկարարները կարողացել են հայտնաբերել եւ ջրից ողջ հանել 10 հոգու, ինչպես նաեւ մեկ զոհվածի: Որոնողական-փրկարարական գործողությունը, որին միացել են մի ուղղաթիռ եւ մի ինքնաթիռ, շարունակվում է: Առայժմ անհայտ կորած է համարվում հինգ մարդ «Սինիցիշեն 69» բեռնարկղանավից, հաղորդել է ՏԱՍՍ-ը:
