«Մի օր զարթնելու են ու երրորդ աղբյուրից իմանան, որ իրենց Նիկոլը կամ գնացել է կամ թռել` առանց իրենց տեղեկացնելու». Հովհաննես Ավետիսյան
Հանրային կառավարման փորձագետ Հովհաննես Ավետիսյանը ֆեյսբուքյան իր էջում գրում է.
«Նիկոլի շրջապատին, հատկապես ԻՔ-ին, թվում է, թե իրենք այս վիճակից այնպիսի ելք ունեն, որ անվտանգ ու անվնաս կլինեն: Չեն էլ փորձում ընկալել, որ Նիկոլը այլևս իրենց նման երաշխիքներ չի կարող տալ, պարզ պատճառով` հիմա նա ինքն է այդպիսի երաշխիքներ փնտրում: Ուստի մի օր զարթնելու են ու երրորդ աղբյուրից իմանան, որ իրենց Նիկոլը կամ գնացել է կամ թռել` առանց իրենց տեղեկացնելու:
Հերթական անգամ կրկնում եմ, որ նրանց լավագույն շահից է, որ դառնան ամցումային կառավարության սպասարկու, մինչև նոր ընտրություններ: Եվ հետևաբար իրենց լավագույն շահից է, որպեսզի նպաստեն նման անցումային կառավարության ձևավորմանը, որը նաև նրանց անվտանգության երաշխիքներ է տալու: Սա իրենց լավագույն այլընտրանքն է: Ուզեք, թե չուզեք այս սցենարը լինելու է, հարցը նրանում, թե ով/ովքեր սա կանեն և սրանից է կախված, թե իրենց համար սա ցավոտ, թե անվնաս գործընթաց կլինի: Զարթնե՛ք:
հ.գ.
ԻՔ բոլոր պատգամավորներին հեռացրել եմ այստեղից, հետևաբար հույս ունեմ, որ այստեղ հետևորդ ֆեյքեր կամ ֆեյքանմաններ կան, որ կարդում են սա և կփոխանցեն»:
