«Այս մարդիկ գիշեր-ցերեկ չունեն, ես էլ չեմ կարողանում քնել». Աշոտ Ղազարյան
Դերասան Աշոտ Ղազարյանի խոսքով՝ գերության մեջ հայտնված հայ զինծառայողների ծնողները գիշեր-ցերեկ չունեն, իրենց հանգիստը կորցրել են։
«Մեզ մի պահ պետք է դնենք այդ ծնողների տեղը, իմ տղան մեկ ժամ ուշանում է, սկսում եմ անհանգստանալ, այս մարդիկ մեկ ամսից ավելի սպասում են՝ իրենց երեխաներից մեկ լուր լսեն, դաժան է։ Սա է ինձ այստեղ բերել, դիմենք կառույցներին, որպեսզի կարողանան որոշ բանով օգնել։ Ախր անարդարություն է, ամենուր անարդարություն է տիրում։ Այս մարդիկ ուզում են իմանալ՝ իրենց երեխաները ո՞ղջ են, թե՞ ոչ։ Այս մարդիկ գիշեր-ցերեկ չունեն, ահավոր վիճակ է, մարդ երեխա, թոռ պետք է ունենա, որ հասկանա՝ սա ինչ բան է, ես էլ չեմ կարողանում քնել»,- այսօր մտավորականների կազմակերպած երթի ժամանակ ասաց Աշոտ Ղազարյանը։
Նշենք, որ մի խումբ մտավորականներ այսօր Շառլ Ազնավուրի հրապարակից երթ էին կազմակերպել դեպի տարբեր երկրների դեսպանատներ՝ գերության մեջ հայտնված և անհետ կորած հայ զինվորների ծնողների ձայնը միջազգային տարբեր կառույցներում լսելի դարձնելու ակնկալիքով։
Մանրամասները՝ 168.am-ի տեսանյութում
