Վենգերը քննադատել է Չելսիին
«Արսենալի» գլխավոր մարզիչ Արսեն Վենգերը կարծիք է հայտնել, որ «Չելսին» չպետք է մրցավար Մարկ Քլատենբուրգի հետ իր տարաձայնությունները հրապարակավ դարձներ:
«Ես իմ կարծիքն ունեմ ստեղծված իրավիճակի շուրջ: Եթե մրցավարի այս կամ այն գործողությունները ինձ դուր չեն եկել, ես եզրափակիչ սուլիչից հետո կամ հաջորդ օրը կմոտենամ նրան ու ու կխոսեմ:
Ես չեմ սիրում նման բաները վերածել հասարակական քննարկման առարկայի»,-Վենգերի խոսքերն է մեջբերում Guardian-ը:
«Հնարավոր է, որոշ դրվագներում ես ինքս էլ ինձ լավ չեմ դրսևորել, բայց սպորտում նման հարցերը պետք է լուծվեն փակ դռների հետևում: Այլապես, եթե ֆուտբոլում սկսեն աշխատել փաստաբանները, դա ինձ այդքան էլ դուր չի գալիս»:
Մարզական լրահոսն ապահովում է SportArmenia.com-ը
