«Բակո Սահակյանը հաստատ գիտի, որ Արայիկ Հարությունյանի ասածը կեղծ է, սխալ և մտացածին, և ճիշտ կանի՝ չլռի…». Մարգարիտ Եսայան
ԱԺ նախկին պատգամավոր Մարգարիտ Եսայանը ֆեյսբուքյան իր էջում գրել է.
«Արցախի նախագահ Արայիկ Հարությունյանը երեկ հայտարարություն է արել, ըստ որի` 2016-ին Ստեփանակերտի երկինքն անպաշտպան էր, իսկ այժմ ամբողջ Արցախը պաշտպանված է։ Անկեղծ եմ ասում, շատ տխրեցի էս կարգի ուրացումից, էս կարգի պոզով-պոչով ստից, մանավանդ, երբ դա անում է Արցախի նախագահը… Եվ կուզեի, որ ԱՀ-ի այսօրվա նախագահին պատասխաներ Բակո Սահակյանը… Ով-ով, նա հաստատ գիտի, որ Արայիկի ասածը կեղծ է, սխալ և մտացածին, և ճիշտ կանի՝ չլռի… Ես նրան շատ հարգում եմ և կուզեի, որ արձագանքը չուշանար: Սա այն հայտարարությունը չէ, որը պետք է անպատասխան թողնել… Իհարկե, ՀՀ երրորդ նախագահ Սերժ Սարգսյանն անմիջապես արձագանքել է, ովքեր դեռ ծանոթ չեն, կարող են կարդալ և տարբեր կայքերում և իմ ու ընկերներիս էջերում:
Բայց, Բակո Սահակյանը Արայիկ Հարությունյանին, կարծում եմ ասելիք ունի և պիտի ասի…
Չէի ուզի նրան տեսնել այսքան ոչ սիրուն վիճակում…»:
