Զինված հարձակման պատճառով Աֆղանստանում ութ մարդ է զոհվել
Աֆղանստանի Հոսթ քաղաքում տեղի ունեցած զինված հարձակման հետևանքով զոհվել է առնվազն ութ մարդ:
Այս մասին գրում է «ՌԻԱ Նովոստի»-ն՝ ներկայացնելով Աֆղանստանի ոստիկանության տարածած հայտարարությունը:
Հաղորդագրությունում ասվում է, որ հարձակումը տեղի է ունեցել հունիսի 12-ի երեկոյան Ալիշեր շրջանում: Հարձակման զոհ է դարձել ութ մարդ. նրանց թվում է «Խեզբ է Իսլամի» անդամներից մեկը (Աֆղանստանի իսլամական կուսակցություն):
Դեպքի առնչությամբ երկրում գործող խմբավորումներից ոչ մեկը դեռևս պատասխանատվություն չի վերցրել իր վրա:
