Կապան քաղաքում ավտոմեքենաներ են բախվել. կան տուժածներ
Փետրվարի 29-ին, ժամը 20:15-ին Ճգնաժամային կառավարման ազգային կենտրոն ահազանգ է ստացվել, որ Սյունիքի մարզի Կապան քաղաքի Գործարանային թաղամասի վերջնամասում տեղի է ունեցել ՃՏՊ:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «Mercedes» (վարոդ՝ Նվեր Հ., ծնված 1984 թ.) և «Opel Zafira» մակնիշների (վարոդ՝ Հովհաննես Ք., ծնված 1977 թ.) ավտոմեքենաները:
Մինչ փրկարարների՝ կանչի վայր հասնելն ավտոմեքենաների վարորդները, «Mercedes» մակնիշի ավտոմեքենայի ուղևոր Արտավազդ Փ.-ն (ծնված 1977 թ.) և «Opel Zefira» մակնիշի ավտոմեքենայի ուղևոր Թաթուլ Դ.-ն (ծնված 1977 թ.) հոսպիտալացվել են Կապանի ԲԿ, որտեղ բժիշկները Հովհաննես Ք.-ի առողջական վիճակը գնահատել են կայուն ծանր, իսկ մյուսները ստանալով համապատասխան բուժօգնություն՝ դուրս են գրվել:
Փրկարարները հոսանքազրկել են ավտոմեքենաները և փակել «Mercedes» մակնիշի ավտոմեքենայի գազի բալոնի փականը:
