Կորոնավիրուսի առումով ռիսկային երկրներից Հայաստան ժամանած անձանց նկատմամբ կիրականցվի հսկողություն
Պետությունը կորոնավիրուսի տարածման առումով ռիսկային համարվող երկրներից` այդ թվում Իտալիայից, Հայաստան ժամանած անձանց համար կկազմի հասցեական քարտեր և հիվանդության գաղտնի շրջանի չափով կիրականացնի հսկողություն: Այս մասին հրավիրված ասուլիսում հայտնեց ՀՀ առողջապահության նախարարության հիվանդությունների վերահսկման և կանխարգելման ազգային կենտրոնի տնօրեն Արտավազդ Վանյանը:
«Մենք այսօրվանից ներդնում ենք հասցեական քարտեր`Իտալիայից և այլ ռիսկային երկրներից եկող անձանց նկատմամբ: Լիարժեք հսկողություն է իրականացվելու, ինչպես իրականացրեցինք Չինաստանից եկող անձանց նկատմամբ»,-ասաց Վանյանը:
