Ռուսաստանի դեսպանատան շենքի վրա քարեր են նետել
Լոնդոնում Ռուսաստանի դեսպանատան շենքի վրա այս գիշեր քարեր են նետել: Հարձակումը գործել են սիրիական ընդդիմության կողմնակիցները, ովքեր դեմ են Ռուսաստանի՝ Բաշար Ասադին պաշտպանելուն, գրում է lenta.ru-ն:
Միջադեպի արդյունքում կոտրվել են շինության ապակիները, դեսպանատան աշխատակիցներից ոչ ոք չի տուժել:
Նշենք, որ սա այս տարվա ընթացքում Լոնդոնում ռուսական դեսպանատան դեմ ուղղված նմանօրինակ առաջին դեպքը չէ: Ասադի ընդդիմադիրները 2012 թվականի ամռանը Մեծ Բրիտանիայում Ռուսական դիվանագիտական ներկայացուցչության մոտ բողոքի երկու ակցիա էին անցկացրել:
Ցուցարարները Ռուսաստանից պահանջում են դադարեցնել Ասադի ռեժիմի աջակցությունը:
