Մեսսին կարող է մինչև 6 ամսով հեռացվել Արգենտինայի հավաքականից
Կատալոնական «Բարսելոնա»-ի ավագ Լեո Մեսսին կարող է հեռացվել Արգենտինայի հավաքականից 2-6 ամսով:
Այս մասին գրում են արգենտինական ԶԼՄ-ները: Մեսսին նման պատժի կարող է արժանանալ Copa America-ի գավաթի խաղարկության երրորդ տեղի համար խաղում ստացած կարմիր քարտի և սուր քննադատության համար: Հարավամերիկյան ֆուտբոլի կոնֆեդերացիան վերջնական որոշում կընդունի հաջորդ շաբաթ:
Copa America-ի խաղարկության երրորդ տեղի խաղում Մեսսին կարմիր քարտ էր ստացել և հանդիպումից հետո քննադատել էր կազմակերպիչներին ու մեղադրել կոռուպցիայի մեջ: Մեսսին չէր եկել անգամ բրոնզե մեդալը ստանալու:
