Վենեսուելացիները վերսկսվում են աշխատանքային գործունեությունը հարկադիր պարապուրդից հետո
Վենեսուելայի կառավարությունը որոշում է ընդունել մարտի 29-ից վերսկսել աշխատանքային գործունեությունն ամբողջ երկրում, ընդսմին անորոշ ժամանակով երկարացնելով ուսումնական պարապմունքների դադարեցումը: Այդ մասին հայտնել է լատինաամերիկյան հանրապետության կապի եւ տեղեկատվության նախարար Խորխե Ռոդրիգեսը:
«Բոլիվարյան Հանրապետության կառավարությունը տեղեկացնում է, որ ուրբաթ՝ մարտի 29-ին, աշխատանքային գործունեությունը կվերսկսվի երկրի ամբողջ տարածքում, ընդսմին ուսումնական պարապմունքներն առաջվա պես դադարեցված են բոլոր մակարդակներով»,- գրել է Ռոդրիգեսը Twitter-ի իր օգտահաշվում:
Ինչպես նշել է նախարարը, երկօրյա վերականգնման աշխատանքներից հետո մասնագետներին հաջողվել է կարգավորել էլեկտրամատակարարումը Վենեսուելայի շրջանների մեծ մասում:
Սա Վենեսուելայում էլեկտրականության համատարած անջատման արդեն երկրորդ դեպքն է վերջին մեկ ամսվա ընթացքում, հաղորդել էՌԻԱ Նովոստին:
