Չինաստանի քիմիական գործարանում պայթյունի պահը հայտնվել է տեսանյութում
Ցանցում հայտնվել է Չինաստանի արեւելքում գտնվող «Ցզյանսու Տյանցզյայ» քիմիական գործարանում պայթյունի պահի տեսանյութը։
Կադրերում երեւում է հրդեհը, այնուհետեւ տեղի էունենում հզոր պայթյուն, ինչից հետո կրակն ու ծխի քուլաներն ակնթարթորեն տարածվում են շրջակայքում:
Պայթյունը տեղի է ունեցել մարտի 21-ի ցերեկը: Միջադեպի հետեւանքով զոհվել է 47 մարդ, եւս 32 տուժածներ գտնվում են օրհասական, իսկ 58 հոգի՝ ծանր վիճակում:
Ընդամենը տեղի հիվանդանոցներ է տեղափոխվել շուրջ 640 մարդ: Գործարանում հրդեհն արդեն մարված է, բայց փրկարարական գործողությունը շարունակվում է:
Վտանգավոր գոտուց տարհանվել են հազարից ավելի տեղի բնակիչներ եւ ձեռնարկությունների 3 հազար աշխատակիցներ: Մանկապարտեզներն ու դպրոցները փակ են: Արտակարգ պատահարն այս տարի ամենախոշորն է դարձել Չինաստանում, հաղորդել է ՌԻԱ Նովոստին:
In China, Tianjiayi Chemical Co., Ltd. explosion accident 2 pic.twitter.com/koU0WJN3iA
— Samuel (@chnsed) March 21, 2019
