Մեծ Բրիտանիան մտադիր է մարտի 25-ին գործի դնել գործողությունների պլանն առանց գործարքի Brexit-ի դեպքում. FT
Մեծ Բրիտանիայի իշխանությունները մտադիր են մարտի 25-ին երկրում կիրառել գործողությունների պլան հատուկ պայմաններում՝ Եվրամիության հետ գործարքի բացակայության դեպքում եւ Brexit-ի ժամկետի անորոշության կապակցությամբ, որը պլանավորված էր մարտի 29-ին: Մարտի 21-ին այս մասին հայտնել է Financial Times (FT) թերթը՝ վկայակոչելով կառավարության ներկայացուցիչների:
Նրանց տվյալներով՝ պլանին համապատասխան, որը կոչվել է Operation Yellowhammer, կգործի ավելի քան 5 հազար մարդ ներառող «օպերատիվ կառավարման» հատուկ համակարգ, որը կոչված է կանխելու, մասնավորապես, պարենի, վառելիքի, ֆինանսական ոլորտի պաշարների պակասը:
Դրա աշխատակիցները սերտորեն կապված են առաջատար նախարարությունների եւ գերատեսչությունների հետ, որոնք կմասնակցեն երկրի կառավարմանը հատուկ հանգամանքներում, տվյալ դեպքում առանց գործարքի Brexit-ի պայմաններում:
Դրանց թվում են շրջակա միջավայրի պահպանության, պարենի եւ գյուղատնտեսական զարգացման, տրանսպորտի, ֆինանսների նախարարությունները եւ թագավորական հարկա-մաքսային ծառայությունը:
«Yellowhammer-ի օպերատիվ-հրահանգչական կառույցները մարտի 25-ին լիովին գործի կդրվեն, եթե Մեծ Բրիտանիայի եւ Եվրամիության միջեւ համաձայնեցված չլինի դուրս գալու նոր ժամկետը»,- մեջբերում է անում հրատարակությունը Եվրամիությունից Մեծ Բրիտանիայի դուրս գալու հարցերով նախարար Սթիվեն Բարքլիի՝ կաբինետի գծով գործընկերներին հղած նամակից, հաղորդել է ՏԱՍՍ-ը:
