Վենեսուելայում վերականգնվում է աշխատանքային գործունեությունն էլեկտրաէներգիայի անջատումից հետո
Վենեսուելայի նախագահ Նիկոլաս Մադուրոն որոշել է մարտի 14-ից երկրում վերսկսել աշխատանքային գործունեությունն էլեկտրաէներգիայի զանգվածային անջատումից հետո: Մարտի 13-ին այդ մասին հայտնել է կապի եւ տեղեկատվության նախարար Խորխե Ռոդրիգեսը։
«Նախագահ Նիկոլաս Մադուրոն որոշել է, որ բոլոր սեկտորներում աշխատանքային գործունեությունը երկրի ամբողջ տարածքում վերսկսվի այս հինգշաբթի օրվանից: Ուսումնական հաստատություններում պարապմունքները չեղարկված են եւս 24 ժամով»,- ասել է նա ելույթի ընթացքում, որը հեռարձակվել է Vanezolana de Television հեռուստաալիքի եթերում:
Ռոդրիգեսի խոսքով՝ էլեկտրաէներգիայի մատակարարումը «լիովին վերականգնված է երկրի ամբողջ տարածքում, բացառությամբ որոշ գոտիների, որտեղ տակավին խնդիրներ են նկատվում»: «Առաջիկա ժամերին դրանք կվերացվեն»,- հավելել է նա:
