Ֆրանսիայում ծրագրում են 2020 թվականից թույլատրել անվարորդ ավտոբուսների օգտագործումը. CNEWS
Ֆրանսիայի իշխանությունները պլանավորում են ընդհանուր օգտագործման ճանապարհներին անվարորդ ավտոբուսների առեւտրային օգտագործումը թույլատրել 2020 թվականից: Այդ մասին հայտնել է Ֆրանսիայի տրանսպորտի նախարար Էլիզաբեթ Բոռնը՝ հանդես գալով CNEWS հեռուստաալիքի եթերում:
«Սկսած 2020 թվականից՝ մենք ցանկանում ենք թույլատրել ինքնավար շաթլների (ավտոբուսների) (օգտագործման հետ կապված) ծառայությունները»,-հայտարարել է նա: Բոռնի խոսքով՝ այժմ երկրում կան բազմաթիվ ընտանիքներ, որոնց համար երկու, երբեմն նաեւ երեք ավտոմեքենա է պահանջվում ամենօրյա գործերը կատարելու, օրինակ՝ երեխաներին դպրոց տանելու համար:
«Անհրաժեշտ է առաջարկել ապագայի տրանսպորտի այլ ծառայություններ, օրինակ՝ ինքնավար շաթլների հաշվին,-նշել է նա:-Դրանք կլինեն 10-12 տեղանոց մեքենաներ: Այժմ կա երկու ստարտապ. մեկը՝ Թուլուզի, մյուսը՝ Լիոնի մերձակայքում: Եմ կարծում եմ, որ մեր երկրի համար կարեւոր է ունենալ ինքնավար ավտոմոբիլներ, հարկավոր է զարգացնել նմանօրինակ շաթլներ օգտագործող ծառայությունները», հաղորդել է ՏԱՍՍ-ը:
