Մոսկվայի պատրաստակամություն է հայտնել նպաստել Իսլամաբադի և Նյու Դելիի միջև լարվածության թուլացմանը
Ռուսաստանի արտաքին գործերի նախարար Սերգեյ Լավրովը պակիստանցի գործընկեր Շահ Մեհմուդ Քուրեշի հետ հեռախոսային զրույցում ընդգծել է Մոսկվայի պատրաստակամությունը՝ նպաստելու Իսլամաբադի և Նյու Դելիի միջև լարվածության թուլացմանը: Այս մասին տեղեկացնում է «ՌԻԱ Նովոստի»-ն:
Ռուսական կողմն ընդգծել է, որ բոլոր երկրները պետք է հետևեն ահաբեկչության կանխարգելման մասին կոնվենցիայի դրույթներին և համագործակցեն դրանց իրականացման գործում:
Հնդկաստանի ոստիկանությունը պնդում է, որ գիշերը Պակիստանի բանակը կրակ է բացել Ջամու և Քաշմիր նահանգի Պունչ շրջանի գյուղերից մեկի ուղղությամբ: Ականներից մեկն ընկել է բնակելի տան վրա՝ այն ամբողջությամբ ավերելով: Զոհվել են մայրը և նրա երկու երեխաները, ովքեր այդ պահին տանն են եղել:
