«Մենք շատ բան ենք հաղթահարել կիսաեզրափակչում լինելու համար». Սոլարի
«Ռեալ Մադրիդի» գլխավոր մարզիչ Սանտյագո Սոլարին իր ակնկալիքներով է կիսվել Իսպանիայի գավաթի 1/2 եզրափակչի՝ «Բարսելոնայի» հետ խաղից առաջ:
«Այս խաղում որոշվելու է Իսպանիայի գավաթի եզրափակչի մասնակիցը: Հուսով եմ, մենք տեսնելու ենք գեղեցիկ ֆուտբոլ: Առաջին խաղում մենք շատ լավ հանդես եկանք: Այդ խաղի վերջում մենք կարող էինք ավելի լավ արդյունքի հասնել: «Ռեալը» պետք է հետևողական լինի, թիմի խաղացողները գիտեն, թե որոնք են մեր ուժեղ կողմերը:
Մենք շատ բան ենք հաղթահարել կիսաեզրափակչում լինելու համար: Բոլոր ֆուտբոլիստները կենտրոնացած են առաջիկա խաղի վրա»,- ասել է Սոլարին:
Իսպանիայի գավաթի կիսաեզրափակիչ երկրորդ Կլասիկոն կկայանա այսօր՝ կեսգիշերին:
Սիրարփի Աղաբաբյան
