Քննվում է Ռոբերտ Քոչարյանի խափանման միջոցի հարցը․ ուղիղ
Վերաքննիչ դատարանը շարունակում է ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ բողոքի քննությունը: Նիստը նախագահում է դատավոր Ռուբեն Մխիթարյանը:
Նոյեմբերի 27-ին ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ բողոքի քննությունը Վերաքննիչ դատարանում հետաձգվեց` դատավոր Ռուբեն Մխիթարյանի ինքնաբացարկի միջնորդությունը պատրաստելու նպատակով:
Ռուբեն Մխիթարյանի ինքնաբացարկի միջնորդություն էին ներկայացրել ՀՀ երկրորդ նախագահի պաշտպանները:
Դատական նիստին մասնակցում էր 6 դատախազ, ինչն աննախադեպ երևույթ է դատական պրակտիկայում։ Հարցին, թե արդյո՞ք չէր կաշկանդում այդքան դատախազի, որոնց թվում՝ գլխավոր դատախազի մասնակցությունը, փաստաբան Ալումյանն ասաց, որ ոչ։
«Դատախազությունից ամենաակտիվը գլխավոր դատախազն էր,- ասաց Ալումյանը՝ հավելելով,- Թեև մի դատախազին մրցակից ունենալն ավելի հեշտ է, քան վեց դատախազ, որից մեկը գլխավոր դատախազն է»։
