Ռոբերտ Քոչարյանի անմեղության կանխավարկածը խախտելու հիմքով դիմել են ՄԻԵԴ
ՀՀ երկրորդ նախագահ Ռոբերտ Քոչարյանի փաստաբանները անմեղության կանխավարկածի, ինչպես նաև պաշտպանության իրավունքի խախտման հարցով դիմել են ՄԻԵԴ: «Փաստինֆո»-ի այս տեղեկությունը հաստատեց Ռոբերտ Քոչարյանի փաստաբանական թիմի մամլո խոսնակ Էլեն Առաքելյանը:
Նրա փոխանցմամբ՝ նախաքննական մարմինը փոփոխել է առաջադրված մեղադրանքի ծավալը։
«Ռոբերտ Քոչարյանին առաջադրված մեղադրանքի մասը, այո, փոփոխվել է, սակայն հիմնական փոփոխությունը կայանում է նրանում, որ որոշ դրվագներ պարզապես ավելի մանրամասնվել են, սակայն մեղադրանքի էությունը որևէ չափով չի փոփոխվել»,- ասաց Է.Առաքելյանը։
