Աղբանոցի մոտ մեքենաներն արգելափակվել են ցեխի մեջ
Նոյեմբերի 5-ին` ժամը 23:45-ին, «911» ծառայությանը տեղեկություն է հաղորդվել, որ Շահումյան-Այգեպատ ավտոճանապարհի աջակողմյան հատվածում ավտոմեքենան դուրս է եկել ավտոճանապարհի երթևեկելի հատվածից և արգելափակվել ցեխի մեջ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարներն արգելափակումից դուրս են բերել «ԳԱԶել» մակնիշի ավտոմեքենան:
Նոյեմբերի 5-ին` ժամը 20:05-ին, «911» ծառայությանն ահազանգ է ստացվել, որ Երևան քաղաքի Նուբարաշենի աղբանոցի մոտակայքում` կամրջի մոտ, երկու ավտոմեքենա է արգելափակվել ցեխի մեջ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Փրկարարներն արգելափակումից դուրս են բերել «Mercedes E» մակնիշի ավտոմեքենան և «Volkswagen» մակնիշի ավտոքարշակը:
