«Թուրինն իմ տունն է». Պոգբա
«Մանչեսթեր Յունայթեդի» կիսապաշտպան Պոլ Պոգբան նշել է, որ ուրախ է վերադառնալ Թուրին, որտեղ «Մանչեսթեր Յունայթեդն» ՈւԵՖԱ-ի Չեմպիոնների լիգայի խմբային փուլում կհանդիպի «Յուվենթուսի» հետ:
Առաջիկա խաղի մասին
«Ես սպասում էի այս խաղին, սա խելագարություն է: Անցյալ ամառ ես խոսում էի այդ մասին իմ եղբոր հետ: Ես ասացի նրան, որ հրաշալի կլինի, եթե այս երկու ակումբները մեկ խմբում լինեն:
Ինձ համար սա հաճույք է: Թուրինն իմ տունն է: Այստեղ ես խփել եմ իմ առաջին գոլն իմ պրոֆեսիոնալ կարիերայում»:
Իր նախկին թիմակիցների մասին
«Կուարդադո, Պաոլո Դիբալա, Լեոնարդո Բոնուչչի… Մենք ժամանակ առ ժամանակ շփվում ենք: Մենք ընտանիք էինք: Հետևաբար՝ բնական է, որ մենք շփվում ենք:
Երբ դուք խաղում եք այնպիսի ֆուտբոլիստների հետ, ինչպիսիք են Պիռլոն, Բուֆֆոնը, Կելինին, կարող եք միայն սովորել:
Ամեն օր մարզումների ընթացքում դու փորձում ես նոր բան սովորել նրանցից: Անգամ, եթե դու կայացած ֆուտբոլիստ ես, միշտ կարող ես սովորել նրանցից»,- ասել է Պոգբան RMC-ին տված հարցազրույցում:
Սիրարփի Աղաբաբյան
