Ովքեր են լինելու «Քաղաքացիական պայմանագիր» կուսակցության ցուցակում
«Քաղաքացիական պայմանագիր» կուսակցության ցուցակում կլինեն մարդիկ, ովքեր կարող են քաղաքական միտք գեներացնել և քաղաքական խոսք ասել: Այս մասին լրագրողների հետ ճեպազրույցում ասաց ՀՀ փոխվարչապետի պաշտոնակատար Տիգրան Ավինյանը:
«Այս պահի դրությամբ քննարկումները շարունակվում են մեր քաղաքական թիմի ներսում և ցուցակի կազմավորման սկզբունքների վերաբերյալ և արդեն կոնկրետ անձանց վերաբերյալ, և ես կարծում եմ, բավականին լայն սպեկտր է ներկայացված լինելու»,- նշեց նա:
Ավինյանը համոզմունք հայտնեց, որ այն սկզբունքները, որոնց վրա հիմնված է «Քաղաքացիական պայմանագիր» կուսակցությունը, ամենաարդար ձևով կարտացոլվի ցուցակում:
