Օձեր են հայտնաբերվել
Հոկտեմբերի 29-ին` ժամը 15:03-ին, «911» ծառայությանն ահազանգ է ստացվել, որ Արարատի մարզի Արգավանդ գյուղում օձ են բռնել և տեղափոխել տարայի մեջ. անվտանգ տարածք տեղափոխելու համար անհրաժեշտ է օգնություն:
Դեպքի վայր է մեկնել ԱԻՆ ՓԾ Ճգնաճամային կառավարման ազգային կենտրոնի արտակարգ իրավիճակների արձագանքման խումբը:
Փրկարարները շահմար տեսակի օձին տեղափոխել են անվտանգ տարածք:
Հոկտեմբերի 29-ին՝ ժամը 13:32-ին, «911» ծառայությանն ահազանգ է ստացվել, որ Սյունիքի մարզի Կապան քաղաքի Ռ. Մինասյան թաղամասի թիվ 20ա շենքի մուտքի մոտ նկատվել է օձ, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը։
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները հայտնաբերել են շահմար տեսակի օձին և տեղափոխել անվտանգ տարածք:
